Pentsioen erreformari buruz asteburuan hasitako negoziazioak aurrera jarraitzen du Espainiako Gobernuaren eta sindikatuen artean. Bihar eztabaida horietara beste gonbidatuko bat gehitu behar zitzaion: CEOE patronala. Haatik, batzarra atzeratzea erabaki zuten atzo arratsaldean, agenda arazoak argudiatuta. Pentsioen erreforma ez ezik, beste zenbait gai ere izan behar zituzten mahai gainean: negoziazio kolektiboaren moldaketa, lan erreformaren zenbait puntu, enplegu politika aktiboak eta langile publikoen akordioa, besteak beste.
Negoziazioen egoerari buruz ezkor mintzatu zen atzo CCOOko idazkari nagusia, Ignacio Fernandez Toxo. Erreforma egin egingo dela esanda Zapatero presidenteak negoziazio aukerak «hoztu» dituela uste du Fernandez Toxok.
CEOE, UGT, CCOO eta Lan ministroaren arteko bilera atzeratu egin dute
Iruzkinak
Ez dago iruzkinik
Ordenatu
