ELAk jakinarazi duenez, CIE Orbelan enpresako langileek akordioa lortu dute hiru eguneko grebaren ostean. Astelehenean greba mugagabea hasi zuten Andoaingo eta Anoetako (Gipuzkoa) lantegietan, lan baldintza hobeak eskuratzeko.
Akordio horrekin, KPIaren araberako soldata igoera izango dute 2026 urtera arte. Gainera, 2024an 475 euroko gehigarri bat izango dute, 2025ean 500 eurokoa, eta 2026an 512 eurokoa. Horrez gain, hitzarmena indarrean dagoen lehen urtean, aurten, beste 250 euroko ordainsaria jasoko dute, eta urteko lanaldia hamabi ordu murriztuko dute. Era berean, gauetako lanaldien gehigarriak igotzea adostu dute hurrengo hiru urteetarako: 2024an 18 eurora, 2025ean 19 eurora, eta 2026an 20 eurora.
155 langile ditu enpresak, eta, ELAren arabera, tailerrean langile askok egin dituzte lanuzteak; bulegoetan, aldiz, lan egin dute.