Donostiako Miramon auzoan dira Gipuzkoako nekazarien eta abeltzainen traktoreak, Gipuzkoako Batzar Nagusien egoitzan. ENBA eta EHNE nekazaritza sindikatuek eta Gipuzkoako Baso Elkarteak deitu dute protestara, «Gipuzkoako gizarte osoari lehen sektoreak lurralde osorako egiten duen ekarpena, lana eta onura aldarrikatzeko».
Gipuzkoako Batzar Nagusietara iritsi da baserritarren traktore martxa. 200 bat lagun zituzten zain. Ordezkari politikoei zortzi orriko aldarrikapen zerrenda bat emango diete. Azpimarratu dutenez, eskera horiek lurraldeko arazo zehatzekin dute lotura. @berriapic.twitter.com/aJV7EkGSVd
— Jokin Sagarzazu (@jsagarzazu) March 1, 2024
Goizeko lehen ordutik hiru zutabe zuzendu dira Donostiarantz. Lehen zutabea Goierri eta Tolosaldetik abiatu da; zehazki, Legorretako tren geltokian hasita, Tolosatik pasatu dira, eta Urnietatik eta Hernanitik barrena sartuko dira Donostian. Bidean, auto ilarak eragin dituzte A-1ean eta A-15ean.
Bigarren zutabea Oriotik atera da, eta, Urbiletik igarota. Hirugarren zutabea, berriz, Errenteriatik atera da, Garberatik pasatu eta Donostiako erdigunerantz joan dira.
EHNEk, ENBAk eta Gipuzkoako Baso Elkarteak traktore karabana egin behar dutenei eskatu diete ikurrinak jartzeko beren ibilgailuetan, eta «norberak irizten duen leloa» duten kartelak ere jartzeko, baina «errespetuz» jokatzeko.
Lehen sektoreko 38 eragilek babestu dute nekazarien protesta.
