Biharko greba orokorrerako ezarritako gutxieneko zerbitzuak gehiegizkotzat jo dituzte greba deitzaileek eta horregatik EAEko Auzitegi Nagusian helegitea aurkeztu zuten, baina honek ez du errekurtsoa kontuan hartu.
Ondorioz, Araban, Bizkaian eta Gipuzkoan garraioen %30 martxan egongo da, ospitaleetan asteburuetako langile kopurua egongo da eta, hezkuntzari dagokionez, unibertsitateak izan ezik, eskola publiko eta pribatuak irekita egongo dira, baita haur eskolak ere.
ELA, LAB, ESK, EILAS, EHNE eta Hiru sindikatuek egin dute bihar Hego Euskal Herrian greba orokorra egiteko deialdia.
Bihar hainbat zerbitzutan jaiegunetan baino langile gehiago izango direla jakinarazi dute sindikatu deitzaileek, eta hori greba eskubidearen kontrakoa dela salatu dute.
Egungo eredu ekonomiko eta soziala auzitan jarri eta, krisiari aurre egiteko, Euskal Herrian erabakitako politikak aldarrikatuko dituzte.
greba orokor deialdia
EAEko Auzitegi Nagusiak sindikatuek aurkeztutako helegitea baztertu du
ELA, LAB, ESK, EILAS, EHNE eta Hiruk bihar hainbat zerbitzutan jaiegunetan baino langile gehiago izango direla jakinarazi, eta hori greba eskubidearen kontrakoa delako ezarri zuten errekurtsoa.
Iruzkinak
Ez dago iruzkinik
Ordenatu
