EAEko ogasunek %9 gehiago jaso dute

GASTEIZ. Urtea iaz baino hobeto hasi da Araba, Bizkai eta Gipuzkoako ogasunentzat. Martxora arte, 2.837 milioi euro bildu dituzte, 2009an baino %9 gehiago. Balio erantsiaren gaineko zergari esker %34,8 gehiago bildu dute, eta horrek ekarri du batez besteko igoera. BEZaren igoera kontsumoa suspertzen ari den seinale izan daiteke. Gainerako zergetan ez da hainbesteko gorakadarik nabari.