LUXENBURGO. Denbora batean hozkailuan egon bada ere, Hungariak izan ezik Europako Batasuneko herrialde guztiak ados jarri dira argindarraren merkatua erreformatzeko. Atzo eman zioten estatu kideek baiezkoa, eta Europako Parlamentuaren txanda da orain. Urtea amaitu aurretik erreforma onartua izatea nahi dute.
Alemaniaren eta Frantziaren arteko xextra batek eduki du akordioa geldituta. 19.b artikulua izan da hori blokeatu duena, CFD diferentzia bidezko kontratuak arautzen baititu horrek. Berlinen beldurra zen Parisek argindar are merkeagoa eskaintzea industriari kontratu horien bidez. Izan ere, kontratu horien bitartez, estatu batek epe jakin batean argindarraren prezio egonkor bat adostu dezake energia ekoizle batekin, eta argindarraren azken prezioaren arabera diferentzia itzuli edo ordaindu egiten da.
Europako Batasuneko Kontseiluaren Espainiako presidentetzak azken orduko proposamen bat egin zuen atzo, denek onartu zutena. Halako kontratuak instalazio berrietan edo ekoizpen ahalmena handitzen dutenetan sinatu ahalko dira, betiere Europako Batzordearen oniritziarekin.
EB, ados argindar merkatua berritzearekin
Iruzkinak
Ez dago iruzkinik
Ordenatu
