Egoera okerrera doala dio Bilboko Ganberak

BILBO. Egoera ekonomikoa oso txarra dela eta are gehiago okertuko dela iragarri du Bilboko Merkataritza Ganberak. Ekoizpenaren eta kontsumo pribatuaren jaitsierari «sektore publikoaren doikuntzaren eragin kaltegarria» batu zaiola nabarmendu du Jose Angel Corres ganberako presidenteak. «BEZa duela urte batzuk» igo behar zela eta orain egitea txarra dela esan du Corresek, bost urteko krisiaren ondoren «mugan dagoen merkataritza sektorea» gehiago ahulduko duelako.