Hildako langilearen lankideek lana eten dute gaur istripua salatzeko. Bart gauean gertatu da istripua, Eusko Jaurlaritzako Segurtasun Sailak jakinarazi duenez. Makina batean lan egiten ari zela, makina horretan bertan harrapatuta geratu da. 30 urte zituen, eta Elorrion bertan bizi zen.
Horrez gain, haren lankide bat erietxera eraman dute. Ikertzen ari dira ezbeharra zer dela-eta gertatu den. Elorrioko ezbeharrarekin, 31 dira aurten lan istripuen ondorioz hildakoak.
LABek salatu du istripua saihestu zitekeela, eta istripuaren testuingurua salatu du: "prekarietatea, soldaten debaluazioa eta langileen osasuna babesteko inbertsio eza". LABek babesa adierazi die hildakoaren senide, lagun eta lankideei, eta ardurak argitzeko eskatu du.
Horrelakorik berriro ez gertatzeko neurriak hartzeko ere eskatu du LABek.
