Goizeko hamaiak aldera sartu dira Monsantoren Peyrehoradeko egoitzara, ehun bat lagun. Bulegoetan hiru gauza eskuratu nahi zituzten: batetik, hazi transgenikoen zerrendak, hazi mota hori identifikatu ahal izateko. Bestetik, hazi horiek erabiltzen dituzten etxalde eta landen erregistroa, non landatzen diren jakiteko. Azkenik, barra kodeak, arto transgenikoa zein elikagai eta bestelako produktutan erabiltzen den jakiteko.
Protesta egin dutenen helburuetako bat zen arto transgenikoa ardo naturalarekin kutsatzea, eta, besteak beste, horretarako behar zuten hazi mota hori erabiltzen den etxalde eta landen zerrenda.
Sartu direnerako bulegoak itxita zeuden, ordea, eta, beraz, ezin izan dute informazio hori guztia eskuratu.
Bulegoak itxita aurkitu dituztenez sarreran egotea erabaki dute okupatzaileek.
Nekazaritza
Ehun bat lagun Monsantoren Peyrehoradeko lantegian sartu dira, transgenikoen aurka
Monsanto enpresa multinazional handiak Peyrehoraden (Landak, Frantzia) duen lantegira sartu dira ehun bat lagun, hazi transgenikoen erabilera eta ugaltzearen aurka protestatzeko. Saucheur Voluntaire taldeak sustatu du ekintza, et, bestek beste, ELB Euskal Herriko Laborarien Batasuneko hainbat kidek parte hartu dute. Confederation Paysanne eta Greenpeace-koak ere han izan dira. Bulegoetatik hazi transgenikoen zerrenda eta erregistroak hartu nahi zituzten, arto eraldatua arto naturalarekin kutsatzeko. Bulegoak itxita zeuden, ordea.
Iruzkinak
Ez dago iruzkinik
Ordenatu
