Ekonomian 2005erako «aurrerapen txikia» ikusten dute Ganberek

Arabako, Bizkaiko eta Gipuzkoako ekonomia aurten (%2,7) baino «hamarren bat edo bi» gehiago igoko da datorren urtean,Eusko Ganberen ustez. Hala azaldu zuten atzo agiri batean. «Industriaren susperraldian» oinarrituko da hazkundearen areagotze txiki hori, «eraikuntzaren eta zerbitzuen hazkundearen moteltze arinari aurre egiteko balioko baitu».

Ganberek urtero enpresetan egiten duten inkestaren arabera, negozio zifra «mantendu» egingo dutela uste dute enpresek. Haien ustez, «barne salmenten eta esportazioen bilakaera paraleloa izango da»; enplegu sorkuntza «geldotu» egingo da eta inbertsioak «zertxobait bakarrik suspertuko dira».