Erandioko Andrea hotelak 18 langile kaleratu ditu

BILBO. Erandioko (Bizkaia) Andrea hotelak hemezortzi langile kaleratu zituen herenegun, langileei bezperan abisatu ostean. Hotelaren kudeatzaileek urtebete baino gehiagoko alokairua zor diote Bilboko Gotzaindegiari -harena da hotela dagoen seminarioa-. Itxi aurretik hotelean zeuden hogei bezeroek bertan lo egin zuten, baina argindarrik gabe gosaldu zuten herenegun.