Esneari gutxieneko prezioa jartzeko eskatu du EHNEk

IRUÑEA. Ekoiztea kostatzen zaiena baino merkeago saldu behar izaten dute esnea nekazariek. Lehengaiak garestitu ahala, gainera, alde hori handitu egiten da. Eta, EHNEren esanetan, horixe ei da gaurko egoera. Esnegintza sektoreko profesionalek batzarra dute bihar. Han prezioen inguruan zerbait erabaki ezean protestaak hasiko ditu EHNEk.