Langabe kopurua orain arte kalkulatzen zena baino handiagoa da Araba, Bizkai eta Gipuzkoan. Lanbide Euskal Enplegu Zerbitzuak azaldu duenez, 7.500 pertsona ez ziren estatistiketan agertzen, eta horiek langabe erroldan sartuko ditu aurrerantzean.
Aurkikuntza, Espainiako enplegu zerbitzu publikoen eta Langaik zituzten zerrendak bateratu dituenean egin du Lanbidek. 7.500 pertsona horiek Langain izena emanda zeuden, baina ez enplegu zerbitzu publikoetan. Euskal zerbitzuak hilero datu horiek jakinarazten zizkion Espainiakoari, baina horrek estatistika ofizialak egitean zergatik ez dituen aintzat hartu ez dakite.
Datu berrien ondorioz, langabezia tasa puntu erdi bat igo da Araba, Bizkai eta Gipuzkoan, martxoko datuen esperoan. Hala, gaur egun Hego Euskal Herrian 198.822 langabe daude erroldatuta, populazio aktiboaren %14,6.
