Bi saltoki ditu PC Cityk Euskal Herrian, Barakaldoko Megapark-en bat eta Iruñeko La Morea merkataritza gunean bestea, azken horretan 32 langile aritzen dira. Biak itxiko ditu eta baita Espainian dituen beste 32 saltoki eta egoitza nagusia ere. 1.224 pertsonarentzako enplegua erregulatzeko espedientea aurkeztuko du.
Erresuma Batuko Dixon Retails enpresarena da PC City, eta Europako enpresa nagusia da produktu elektroniko eta informatikoen banaketan. Martxoaren 30ean iragarri zuen Espainiako merkatutik ateratzea aztertzen ari zela. Atzo baieztatu zuen. Langile batzordeari esan dionez, kontsumoa etengabe murrizten ari delako, kateak galera handiak pilatu dituelako eta jarduera informatika eta elektronika konbinatutako dendetan oinarritu nahi duelako erabaki du saltokiak ixtea.
Euskal Herriko bi saltokiak itxiko ditu PC Cityk
Espainiako merkatua uztea erabaki du, eta 1.224 langileri eragingo dien espedientea aurkeztuko du
Iruzkinak
Ez dago iruzkinik
Ordenatu
