Finantza merkatuetan mugimenduak eta aldaketak oso azkarrak dira. Azkarrak eta aurreikusteko zailak. Hala ere, aurreikusi egin daiteke bonuek eta akzioek luzera begira —hiru edo bost urtera— izan dezaketen bilakaera. Hala erakutsi dute aurtengo Ekonomiako Nobel saria jaso dutenek. Akzioen eta bonuen prezioei buruz egindako ikerketak saritu dizkiete Eugene Famari (Boston, 1939), Lars Peter Hanseni (Illinois, 1952) eta Robert Shillerri (Detroit, 1946).
Fama Chicagoko unibertsitateko irakasle emeritua da. Hansen Ekonomiako, Finantzetako eta Estatistitako katedraduna da unibertsitate berean. Shiller Yaleko unibertsitateko irakaslea da.
