Langile bakoitza bere lan lekuan dago gose greban. Medikuak eta erizainak beraiei so daude, eta gidarien baldintza fisikoek okerrera egiten badute, gaixo agiria emango diete, eta beraz ezin izango dute lanik egin.
Gose grebak eragin ditzakeen ondorio guztien erantzukizuna Gabriel Inclan Jaurlaritzako Osasun sailburuari egotzi zioten langileen ordezkariek. ELA, LAB, CCOO eta USO sindikatuek salatu zutenez, "anbulantziak gelditu artean jaramonik ez digutela egingo jakinarazi digute". "Irudia axola zaie soilik. Euren ardura bakarra anbulantziak lanean izatea da, berdin zaie greban gauden edo ez", gaineratu zuten.
LAn gatazka
Gipuzkoako larrialdietako langileak gose greban hasi dira
Joan zen astelehenetik greba mugagabean daude Gipuzkoako larrialdi langileak, eta gaur, gose grebari ere ekin diote. Greban daudenean egiten dituzten zerbitzu minimoak %100 inguru direla-eta, ezin dutela grebarik egin iritzi diote. Horregaitik, jateari utzi diote, beraien osasunak txarrera eginez gero ezingo dutelako beraien lana egin.
Iruzkinak
Ez dago iruzkinik
Ordenatu
