Gizarteratzeko errenta ukatu diete 1.570 nafarrei

IRUÑEA. Oinarrizko Errentaren aldeko Plataformak eskatu du Nafarroako lege berria bertan behera geratzea, eta lege zaharra aplikatzea. Parlamentuan egindako agerraldian, Plataformak azaldu du maiatzera arte 1.570 lagunen eskaerak atzera bota dituztela, errenta jasotzeko epea gainditzeagatik eta egoera irregularrean egoteagatik batez ere. Urtea amaitzerako, 3.000 lagun geratuko dira errenta gabe. NaBai, Bildu eta Ezkerraren sostengua jaso dute.