Greziak zorra saldu du, baina prezio handian

ATENAS. Eskaera handia izan zuen atzo Greziak salgai jarritako epe laburrerako zorrak. Guztira, 1.564 milioi euro eskatu zituen, eta 8.500 milioi euro arteko eskaerak jaso. Horrek ez zuen eragotzi pagatu beharreko prezioa handia izatea: %4,55 eta %4,85 artekoa. Urtarrilean, batez beste %2,2ko interesa ordaindu behar izan zuen antzeko bono batzuen truke.