Grezian bigarren greba eguna izango dute gaur

ATENAS. Jarraipen handia izan zuen atzo Grezian deitutako greba orokorrak. Gaur jarraituko du, eta manifestazio jendetsuak espero dira; Atenasen, batez ere. Greziako Parlamentuak gaur bozkatu behar du azken murrizketa plana. Erretiroaren adina bi urtez atzeratzea, 25.000 lanpostu publiko ezabatzea eta langabezia saria murriztea daude eztabaidagai.