Herenegungo lan heriotza salatzeko bilkura, bihar

GASTEIZ. Herenegun Gasteizen jazotako lan istripu larria salatzeko, elkarretaratzera dei egin dute ELA eta LAB sindikatuek biharko. Istripu hartan, Construcciones Dias de Otalora enpresako 51 urteko behargin bat hil zen. Alde zaharreko lokal bat garbitzen ari zela izan zuen ezbeharra. Zorua garbitzeko zerabilen konpresoreak botatako karbono monoxidoa arnastu, eta itota hil zen.