Orozkoko Udalak (Bizkaia) eman du ezbeharraren berri. Istripua atzo 13:30 inguruan gertatu zen; ARCANOR enpresako bi langileri, Arriberriko harrobian lanean ari zirela, makina bat gainera erori zitzaien. Bi beharginak harrapatuta geratu ziren.
Larrialdi zerbitzuek atera zituzten makinaren azpitik, eta Gurutzetako erietxera eraman zituzten, helikopteroz bata eta anbulantzian bestea. Ordea, iluntzean hil zen haietako bat. 54 urteko gizonezko bat.
