Iberdrola euskal enpresak urteko lehen seihilekoan 1.800,5 milioi euro irabazi ditu, iaz garai berean baino %15,2 gehiago, enpresak berak gaur jakinarazi duenez. "Nazioarteko" negozioan %74ko hazkundea izan du, eta Espainiako Estatuan %44ko jaitsiera.
Iberdrolak esan du egun daukan likideziak datozen bi urteetan finantza beharrei erantzuteko balio ahal izango diola. Haren xede nagusietakoa zorra txikitzea izango da —29.318 milioikoa du—.
Arcelor-Mittal enpresak ere irabaziak izan ditu 2012ko ehen sehilekoan: 801,6 milioi eurokoak. Iaztik haren etekina %62 murriztu da.
Euskal herrian badu lantokirik Arcelor-Mittalek: Zumarraga, Olaberria, Bergara, Etxebarri eta Lesakan, eta banaketa gune bat Basaurin. Ia hiru mila langile dauzka Euskal Herrian.
