Inoiz baino gehiago fakturatu dute autogintzaren klusterreko enpresek

BILBO. Krisi zantzurik ez zuten izan iaz autogintzaren hornitzaileek. Acicae klusterrean bildutako autogintzako enpresek 15.000 milioi euro fakturatu zituzten, aurrreko urtean baino %9,4 gehiago, eta inoizko kopururik handiena. Gainera, kopuru horretan ez da sartzen Mercedesen lantegia, Gasteizen. Salmenten %90 esportazioak dira, eta horietatik erdiak dagoeneko Europatik kanpo egiten dira. Acicaeko 300 enpresek enplegua %1,36 handitu dute, eta horri esker, 36.583 langile dira Araban, Bizkaian eta Gipuzkoan, eta beste 40.000 atzerrian.