IRUDIA. TOLOSALDEA. Gureak Taldeak pabiloi berria du

Gureak Taldeak 4.000 metro koadroko zentro berria inauguratu zuen atzo. Apatta Erreka poligonoan dago, eta automozioko argiztapen eta seinalizazio sistemak egitera bideratuko da nagusiki. 140 langile baino gehiagok egingo dute eraikin berrian lan, horietatik %90 ezintasunen bat dutenak. Tolosako San Esteban auzoan zegoen lantegi zaharra ordezkatuko du eraikin berriak. Inaugurazioan, Markel Olano Gipuzkoako diputatu nagusia izan zen.