Kalteak inguruan gelditzen direnean, gaitzerdi esan ohi da. Kazkabarrak Araba jo zuen, baina ez Bilbo: Alemanian banku txarraren plana aurrera doa Espainian baino premia handiagoz; eta AEBetan higiezinen %25ek du bere balioa, bere gaineko hipotekaren azpitik (underwater edo urpean egotea deritzona). Nazioartean, Hong Kongeko Hang Seng (-%0,81) indizeak jasan zuen euri pittin bat; gainontzeko indize nagusiak eguzkiak goxatu zituen. Gaurko ez da EBZren interes tasan aldaketarik espero eta Ibex-35ek (+%1,18) 10.000 puntuen langa oso gertu du. Atzo, 2.050 milioiren salerosketa izan zen eta tenperatura BBVAk (+%2,01) eta %1na pasa igo ziren Repsol eta bi erraldoiek igo zuten. Ferrovialen (+%7,35) kurrinka nabarmenez gain, Cintra eta Abengoak ere %5na pasa irabazi zuten. Iazko iraileko maila harrapatu izanak baina, ez du eguraldi ona bermatzen. Txingor kolpeak, %1na pasako galerak, Mapfre eta Telecincok soilik jaso zituzten.
Brasilgo Norsegel segurtasun enpresa erosi du Espainiako Prosegurrek (+%1,57), 58 milioi euroren truke. 75 mila enplegatu ditu taldeak, nagusiki Espainia eta Latinoamerikan. Peruko Orus enpresa 18 milioian erosi zuen duela astebete.
Santander (+%1,69) bankuak 2 mila milioiren lehentasunezko akzioak saldu ditu bere bezero txikizkarien artean; epemugarik gabeko zor horri eta bere ordainari buruz, CNMVk oharra kaleratu arren, bankuak produktua saltzea lortu du, bere kapitala indartuz.
Interesgarria izango zaizu
Nabarmenduak
