Kolonbian 70 milioiko kontratua sinatu du CAFek

BEASAIN. CAF Beasaingo tren egileak Kolonbiako Medellin hiriko metro sarea hornitzeko kontratua sinatu du. Datozen bi urteetan hamabi tren egin beharko ditu, trukean 70 milioi euro poltsikoratuta. Kontratu berri horrek Kolonbiako merkatura sartzeko ateak irekiko dizkio CAFi, eta latinoamerikako merkatuan duen presentzia indartzen lagunduko dio.