Hego Euskal Herrian prezioak %0,4 garestitu ziren joan den azaroan, Espainiako Estatistika Erakundeak (INE) emandako informazioaren arabera. Hilabete horretan Kontsumo prezioen indizeak gora egin zuen arren, urte arteko tasa bi hamarren murriztu zen, %3tik %2,8ra. Herrialdeen artetik Nafarroak du inflaziorik handiena (%3,1).
Produktu eta zerbitzuak aztertuta, arropa eta oinetakoen taldea izan zen azaroan gehien garestitu zena, etxeko horniduraren aurretik. Azaroan merkatu ziren botikak ere, sendagai generikoak gero eta gehiago baliatzen direlako. Aisialdia, hotelak eta ostalaritza ere merkatu dira. Aurreko urtearekin alderatuz, pilatutako inflaziorik handiena dute etxebizitzak (%6,8 EAEn), garraioak (%4,9) eta alkoholdun edariak nahiz tabakoak (%4).
KPIak gora egin du azaroan, baina urteko inflazioa %2,8ra jaitsi da
Arropa eta oinetakoak dira gehien garestitu diren gaiak, eta botiken nahiz aisialdiaren prezioa merkatu da
Iruzkinak
Ez dago iruzkinik
Ordenatu
