Jose Luis Rodriguez Zapatero Espainiako presidenteak krisiaren aurkako neurriak ahalik eta azkarren jarri nahi ditu indarrean. Konpromiso hori hartu du gaur Espainiako 37 enpresetako ordezkariekin egin duen bileran, horiek eskatuta. Lau orduz egon dira bilduta eta bilera "oso baliogarria" izan dela esan du.
Espainiako Gobernuaren konpromiso hori hiru ardatzetan oinarritzen dela azaldu du: zurruntasuna eta defizitaren murrizketa, finantza sistemaren aldatzea eta gainontzeko estruktura erreformak. Azken horiek lan merkatuaren garapenari, pentsioen sistemari eta energia sektoreari eragingo diote, Zapaterok zehaztu duenez.
Helburua Espainiako ekonomia lehiakorragoa izatea dela esan du. "Inbertsioa, lehiakortasuna eta esportazioa dira ekonomia sustatzeko ardatzak", gainertu du.
KRISIA
Krisiaren aurkako neurriak lehenago indarrean jartzeko konpromisoa hartu du Zapaterok Espainiako enpresariekin
Azkartu nahi diren erreformen artean, lan merkatuari dagozkionak, pentsioen sistemari dagozkionak eta energia sektoreari dagozkionak daude, besteak beste.
Iruzkinak
Ez dago iruzkinik
Ordenatu
