Irail arte, iazko lehen bederatzi hiletan baino %20 gehiago irabazi du Euskadiko Kutxak: 108 milioi euro garbi 122, 4 milioi euro, zergak pagatu aurretik. Banku negozioaren bilakaera «egokiari» eta egitura gastuen «kontrol zorrotzari» lotuta daude «hain emaitza onak», aurrezki kutxaren arabera.
Administrazio gastuak, esaterako, %3,5 bakarrik hazi dira, jarduera komertzialaren hazkuntza mailaren «oso azpitik», beraz. Are gehiago, interes tasak «minimo historikoetan» egon arren, negozio marjina %8,5 handitzea lortu du. Euskadiko Kutxa gora doa bai herritarren bai enpresen arloan. Herritarrei dagokienez, hipotekak %21 hazi dira iaztik hona.Bestela ere, %12ko hazkundea gainditu du mailegu pertsonalen saldoak: pentsio, aurreikuspen eta erretiro planak hazi dira gehien (%23, batez beste) aurrezkia erakartzeko programa guztien artean.
Enpresen finantzaketan iazko erritmoari eutsi dio Euskadiko Kutxak, eta Euskal Herriko eta Espainiako bulego sareak hedatzen jarraitzen du.
Interesgarria izango zaizu
Nabarmenduak
