LABeko pentsiodunak, mobilizazioetarako prest

DONOSTIA. LABeko 250 bat erretiratu Oionen bildu ziren atzo, iristear den pentsioen erreforma aztertzeko. Espainiako Gobernuak pentsioak izoztuko dizkiete datorren urtean; gaitzetsi egin dute hori, finantza erakundeek agindutako neurri bat dela argudiatuta, pentsio plan pribatuak sustatu eta beren negozioa indartzeko. Beraz, udazkenean mobilizazioak egingo dituztela iragarri dute.