LAN GATAZKA. NAVAL. Suzko barrikadak bileraren bezperan

Bilera garrantzitsua dute gaur Navaleko langileen ordezkariek Madrilen. Izar talde osoko sindikatuek joan den astean aurkeztutako bigarren planari buruzko erantzuna emango diote SEPIri. Navaleko enpresa batzordeak espero du beste ontzioletako ordezkariek ezezkoa emango diotela proposamenari, baina ez dira erabat ziur. Aurka daudela adierazteko, langileek trafikoa moztu zuten atzo Sestaoko lantegiaren inguruan. Suzko barrikadak piztu zituzten Bilbo-Santurtzi eta Sestao-A8 errepideetan, eta Renferen lineako tren trafikoa ere eten zuten. Ertzaintzak ez zuen esku hartu. LUIS TEJIDO / EFE