Lana eta familia uztartzea, negoziazio kolektibora

BARAKALDO. Laneko eta familiako betebeharrak uztartzeko neurriak negoziazio kolektiboan sartzea proposatu du Gemma Zabaletak, Eusko Jaurlaritzako Lan Saiburuak. Gogorarazi du seme-alabak edo gaixo dituzten senitartekoak zaintzeko baimenak hartzen dituzten langileentzat 33,9 milioi euro bideratuko dituela bere sailak aurten, iaz baino %7,1 gehiago.