Beste langile bat hil da gaur Euskal Herrian lan istripu baten ondorioz: Gasteizen, 56 urteko gizonezkoa. Eraikin batean leihoak jartzen ari zela jasogailua irauli egin da, eta kolpeen ondorioz zendu da. Hamalau metroko altueratik jausi da, hain zuzen. Martinez de la Hidalga enpresako langilea zen.
Lantoki bereko beste behargin bat harekin zen lanean une horretan, eta larri zauritu da. 41 urte ditu. Txagorritxu erietxera eraman dute.
12:30ak aldera izan da ezbeharra, Borinbizkarra auzoan, Jeronimo Roure kalean. CCOO sindikatuak gertaera ikertzeko eta argitzeko eskatu du. Martinez de la Hidalgako langileok Adania etxegintza enpresak kontratatuta ari ziren leihoak jartzen.
LAB sindikatuaren arabera, aurten Euskal Herrian lan istripuetan edo lan baldintzen ondorioz hil den 71. behargina da gaurkoa. Iaz horrela 80 langile zendu zirela dio LABek. 2008an 112, 2007an 125.
ekoNOMIA
Langile bat hil da Gasteizen, leihoak jartzen ari zela erorita
Hamalau metroko altueratik jausi da. Beste behargin bat larri zauritu da. Borinbizkarra auzoan izan da lan istripua, 12:30 inguruan.
Iruzkinak
Ez dago iruzkinik
Ordenatu
