Basoko langile bat hil da Luiaondon, Araban, zuhaitz bat gainera erorita. Eusko Jaurlaritzako Segurtasun Sailak jakinarazi duenez, ezbeharra 11:40 aldera gertatu da; ordu horretan, larrialdi zerbitzuek abisu bat jaso dute, ohartaraziz istripu bat gertatu dela Aiarako baso batean.
Tokira bertara joan dira larrialdi zerbitzuak. Beharginari pinu bat jausi zaio gainera, eta, azpian harrapatu ez badu ere, zauri larriak eragin dizkio. Hura suspertzen saiatu dira, baina ezbeharra gertatu den lekuan bertan hil da.
Langilea gizonezkoa zen, Zeanurikoa (Bizkaia), eta 40 urte zituen.
Bihar ELA, LAB, ESK, Steilas, EHNE eta Hiru sindikatuek elkarretaratzea eginen dute, hildakoak lan egiten zuen enpresako atarian, Lan istripu gehiagorik ez, prekaritatea hiltzailea lelopean.
