Langile bat larri zauritu da, egitura batek zapalduta

LEGAZPI. Baleike enpresako 48 urteko langile bat larri zauritu zen atzo, altzairuzko egitura batek azpian harrapatuta. Istripua 08:15ak aldera jazo zen; autobus baten sabairako egitura lekualdatzen ari zen langilea, eta gainera joan zitzaion. Gizona helikopteroz eraman zuten Donostiako Ospitalera eta Zainketa Berezien Unitatean sartu zuten, bi hankak hautsita.