Langile bat larri zaurituta dago, AP-68an furgoneta batek harrapatuta

IURRETA. Atzo goizean AP-68 autobidean lanean ari zen langile bat harrapatu zuen furgoneta batek, eta larri zaurituta eraman zuten ospitalera. Herrizaingo Sailaren arabera, istripua 10:30 inguruan izan zen, Bilborako bidean Iurretako (Bizkaia) ordainlekua igarota. Autobidean lan egiten du beharginak, eta errepidea mantentzeko lanetan ari zen istripua gertatu zenean. Ezbeharraren ondorioz, autobideko bi errail itxi egin behar izan zituzten.