Lapurretak saihesten esku hartzeko eskatu du Hiruk

DONOSTIA. Hiru sindikatuak jakitera eman duenez, azkenaldian asko ugaritu dira garraiolariei egindako lapurretak. Ondo antolatutako sareak direla jakinarazi du, eta sistema sofistikatuak erabiltzen dituztela. Hala, neurri bereziak jartzeko eskatu die administrazioei. Besteak beste, ibilgailu asko pilatzen diren lekuetan poliziaren zaintza handitzea nahi du.