Legezko erretiro adina atzeratu nahi du Sarkozyk

PARIS. Erretiroa hartzeko legezko adina 60 urtetik 63ra atzeratu nahi du Nicolas Sarkozy Frantziako presidenteak, Le Monde egunkari frantziarraren arabera. Atzeratze hori pixkanaka egingo litzateke, eta 63 urteko helmuga horretara 2030ean iritsiko lirateke. Sarkozyk otsailean iragarri zuen pentsio sistemaren erreforma, eta, ondo bidean, udazkenean onartuko dute lege proiektua.