Ustez Confebaskek CEOEri bidalitako agiri bat eskuratu zuten ELAk eta LABek azaroan. Balizko agiri horretan bi sindikatuak «paretik kentzeko legea» eskatzen zuen Confebaskek. Patronalak «erabat» ukatu zuen agiri hori berea zela eta sindikatuak legez kanpo uztea eskatu zuela. Adolfo Muñoz ELAko idazkari nagusiaren esanetan, ordea, Eusko Jaurlaritzak "pribatuan" aitortu dio Confebasken agiri hori bazegoela.
Muñozek, bestalde, Jaurlaritzaren jarduna gaitzetsi du. Adierazi du "bi mezu" kaleratzen dituela gobernu berak, baina bat nagusitzen dela guztien gainetik: "Jaurlaritza Confebaskekin dago, aurkezten dituen planteamendu guztietan".
