Idoia Mendia Eusko Jaurlaritzako bozeramaileak jakinarazi du zerga bilketa ez dela "hain ona" izaten ari eta, ondorioz, murrizketa gehiago egin beharko dituztela aurten. Ez du argitu non egingo dituzten murrizketak. Bai, aldiz, non ez duten sartuko guraizea: "Ez ditugu murriztuko gizarte zerbitzuak, ez ditugu murriztuko soldata publikoak, enplegua sustatzeko laguntzetatik ez dugu dirua kenduko, ezta enpresarien laguntzetatik ere".
Uda ondoren hasiko da Jaurlaritza plana ezartzen. Carlos Agirre Ekonomia eta Ogasun sailburuak emango ditu urte honetako bigarren murrizketa planaren xehetasunak.
