Negozioa %22 handitu eta 231 lanpostu sortu zituen iaz Gureak enpresa taldeak

DONOSTIA. Gipuzkoako Gureak enpresa taldearen jarduera gehienek egin zuten hobera joan den urtean. Horri esker, negozioa %22 handitu eta 6,5 milioi irabazi zituen enpresak. Gaur egun 4.800 langile ditu taldeak, eta hamarretik bederatzik elbarritasunen bat dute. Aurreko urtean 231 lanpostu berri sortu ziren taldean.