Oñatiko Stadler enpresako hamabi langile kaleratzeko prozedura bertan behera utzi du zuzendaritzak. Autogintza sektorearentzat lan egiten du Oñatiko fabrikan 63 langilek jarduten dute. "Koronabirusaren aitzakian, hamabi kaleratze egin nahi zituen enpresako zuzendaritzak, eta %30eko soldata murrizketa inposatu", azaldu du LAB sindfikatuak. Uztailaren 8an, bi orduko lanuztea egin zuten langileek, eta uztailaren 13an, greba eguna.
Sibdikatuak abertzaleak deituta, gaur greba mugagabeari ekin behar zioten langileek, baina "presio horri esker", enpresako zuzendaritzak bertan behera utzi du aurkeztutako enplegua erregulatzeko dosierra. "LABentzat berri pozgarria da gaurkoa, eta langileek abiatutako borrokaren emaitza da. Langileak zoriondu nahi ditugu erakutsitako konpromisoagatik. Antolatzeak eta eskubideak defendatzeak emaitzak ematen dituela argi geratu da berriro ere".
