OPOSIZIOKO BURUA, ATXILOTUTA BERRIZ

Oposizioko alderdiek antolatuta, elikagaien, erregaien eta oinarrizko beste hainbat produkturen prezioen igoeraren aurkako manifestazioak egiten ari dira azken bi asteetan Ugandan. Walk to work izena jarri diote ekimenari —joan lanera oinez—. Protestetako bat negar egiteko gasekin eta gomazko pilotekin sakabanatu zuten atzo. Horrez gain, Kizza Besiye oposizioko burua atxilotu zuten hirugarrenez. Gobernuaren arabera, Tunisian eta Egipton gertatu bezala, erregimen aldaketa bultzatzea da protesten helburua, eta ez elikagaien garestitzea salatzea. Mobilizazioak hasi zirenetik, gutxienez lau pertsona hil dira. Irudian, atzoko protestak.