Orona igogailu ekoizleak 77 milioi euro irabazi zituen iaz, %6,7 gutxiago

DONOSTIA. Salmentetan eta irabazietan jaitsiera arina izan zuen joan den urtean Orona kooperatibak. Hain zuzen ere, 578 milioi euroko fakturazioa izan zuen, aurreko urtean baino %2,5 txikiagoa. Irabaziei dagokienez, 77 milioiren mozkinak eduki zituen, %6,7eko jaitsiera. Igogailu ekoizlearen zuzendariak, Xabier Mutuberriak, ontzat jo ditu emaitzak, enpresak «egoera konplexu bat kudeatzen jakin duelako».