PENTSIODUNAK, PROTESTAN

LABeko pentsiodunen alorreko ordezkariak bildu ziren atzo, aberastasuna modu zuzen eta solidarioan banatzeko «politika fiskal alternatiboak» eskatuz. Gipuzkoako Foru Aldundiaren egoitzaren aurrean egin zuten protesta, eta pentsioak bertan erabakitzeko eskubidea aldarrikatu zuten. Koldo Barros LABeko ordezkariak azaldu duenez, eskaera hori egiteko garai aproposa da, pentsioak «kolokan» daudelako, eta «okerrena» espero dutelako.