Proiektu sozialetarako 6,5 milioi emango ditu BBK-k

BILBO. Gizarte Proiektuen Programaren IX. deialdian 6,5 milioi euro emango dituela jakinarazi du BBK-k, iaz baino %3 gehiago. Irabazi asmorik gabeko 213 erakunde sozialek aurkeztutako 392 proiektu babestuko dituzte. 345 Bizkaiko erakundeenak dira, eta bost milioi euroko laguntza jaso dute. 2001etik, 50,7 milioi euroko laguntzak eman ditu kutxak.