Suizidioak ekidin nahi ditu iPhonen ekoizleak

PEKIN. Taiwaneko Foxconn konpainiak, Appleren iPhone telefonoaren ekoizlea, besteak beste, 2.000 psikiatra kontratatuko dituela jakinarazi du. Bere fabriketako zortzi langilek bere buruaz beste egin dute azkenaldian eta beste bik ahalegina egin dute. Ostiralean gertatu zen azken suizidioa; 21 urteko langile batek bere burua bota zuen dorre batetik behera.