Trelleborg Izarran greba mugagabea hasi dute

GASTEIZ. Trelleborg Izarrako langile gehienak greba mugagabean daude astelehenaz geroztik, LABen arabera, lan itunaren negoziazioetan enpresako zuzendaritzaren «inposizioen» kontra protesta egiteko. Abenduaz geroztik bi erregulazio espediente ezarri dituzte lantegian. Bigarrena urriaren 31n amaituko da, eta 147 langileri eragiten die.