Josu Bergara alkatearen dimisioa eskatzeko mozioa atzera bota zuen atzo Sestaoko Udalak (Bizkaia). Iragan astean argitara atera ziren adierazpen «arrazisten» harira egin zuen proposamena EH Bilduk. «Herriko immigranteen aurka esanikoak aski dira kargua uzteko. Agerian geratu da alkatearen gaitasunik eza elkarbizitza bultzatzeko proiektu baten buru izateko», ohartarazi zuen. Edonola ere, ez zuen babesik lortu: EAJk eta PPk kontra bozkatu zuten; PSE-EEk abstentziora jo zuen.
Udalak, ordea, Sestaoko segurtasuna bermatzen jarraitzeko konpromisoa hartu du, eta orain arteko neurriak indartuko ditu: uztailaren 1etik aurrera, udaltzain gehiago izango dira kaleetan. Segurtasun mahaira ere deitu du heldu den asterako.
Sestaoko Udalak baztertu egin du alkatearen kargu uztea galdegiteko mozioa
Iruzkinak
Ez dago iruzkinik
Ordenatu
