Ni naiz FisioClinics Bilbao klinikako arduraduna, Sabino Arana kaleko 10. zenbakian kokatua, non hamabost profesionalek egiten duten lan eta egunero ehun bat paziente artatzen ditugun. Arduradun moduan, ezinegona eta haserrea adierazi nahi dut UEFAk antolatutako ekitaldia dela-eta gaur eta bihar, maiatzaren 20 eta 21ean, Bilboko Udalak ezarritako mugapenengatik.
Gure klinika oinezkoentzako ere debekatutako eremuaren barruan dago. Ez gara aurrez kontsultatuak izan, ez digute inolako alternatibarik eskaini eta ez da osasun zentroentzako salbuespenik aurreikusi. Komunikazioa berandu iritsi da, nahasia eta arreta kanal argirik gabe.
Ehun hitzordu mediko baino gehiago bertan behera utzi behar izan ditugu, eta horrek kalte ekonomiko eta profesionalak eragin ditu, eta, batez ere, gure pazienteentzako asistentzia arazo larria. Hiri batek ezin ditu bere herritarrak osasun arretarik gabe utzi kirol ekitaldi baten ondorioz.
Entzunak izatea baino ez dut eskatzen. Eta etorkizunean, horrelako plangintzarik ez dadila berriro gerta, are gutxiago osasuna bermatzen dugunok kontuan hartu gabe.
